Vicini in amicizia creativa

Prezentazione

E 13 creazione presentate ind’è sta publicazione ammentanu una bella parte di a pruduzzione teatrale cuncepita è realizata ind’è l’ambiente universitariu di l’università di Corsica Pasquale Paoli (UCPP) da a creazione (1991) di l’Associu di sustegnu di u Centru culturale universitariu (CCU) è di u Serviziu CCU (1992). L’altre opere teatrale sò state publicate in altri numeri di listessa cullezzione di i « Quaterni teatrini ». Si hè vulsutu cusì mette à dispusizione i scritti di riferenza, da cumplettà cun l’altri ducumenti patrimuniali (video, riporti, articuli, critiche è studii) chì sò cunservati in i fondi è arnesi patrimuniali, in particulare quelli di a M3C, mediateca di a Corsica è di i Corsi.

E tematiche, l’ambienti, i fatti è e primure ammintate in issu ripertoriu di una vintina è più d’opere, riferiscenu – nimu ne sarà stupitu – à a Corsica, a so storia, a so cultura è a so lingua, in leia di sicuru cun prublematiche, penseri è pruspettive universale.

Trà e cumpunente d’issu ripertoriu, una bella parte di e rializazione si hè pussuta fà in relazione cù altre spressione artistiche è culturale di l’ambiente mediterraneu è eurupeu.

Ind’è l’ambiente propiu di u teatru, a relazione più diviziosa, cun parechje opere è manifestazione, hè stata cù l’Istutu internaziunale di u teatru di u Mediterraneu (IITM cun sede federale in Madrid), u so direttore José Monleón è e so 24 delegazione mediterranee.

Da i primi prugrama Interreg in l’anni 1990, l’ambiente universitariu è assuciativu hè sullicitatu, in particulare a vicinanza di a Corsica, Sardegna, Tuscana, Baleare è Sicilia pè u più. In u genericu di l’opere di sta publicazione si truveranu i nomi di unepochi di quelli chì, in Corsica è fora, travaglianu da issa vintina d’anni cù noi. Trà issi vicini, unu di i primi ùn hè più da u 2014: salutemu a memoria di u prufessore è dramaturgu Nardu Sole di l’università di Sassari, ammintendu tante belle stonde d’arte è d’amicizia.

Isse vincinque opere teatrale cumponenu un territoriu culturale duv’elle s’incontranu primure cumplementarie.  (Strattu di a presentazione).

SUNTA

Itaca ! Itaca ! (1997)

Ciclopu (1998)

A Memoria di l’acqua (1999)

Tutti in Pontenovu (1999)

U Medicu stranieru (2001)

U Labirintu (2001)

Troilu è Cressida : Cosa mi manca à mè ? (2002)

I Spechji di a Funtana (2004)

U Topupinnutu (2004)

Furmiculimi in Vignale (2005)

U Ponte (2006)

A Scusa di Pasquale (de) Paoli (2007)

A Vindetta (2008)

Frades (2010)

Don Chisciottu (2010)