Your cart
There are no more items in your cart
Quatra di cuprendula
Luna albeghja
Mi n’arricordu…
Di a Luna fughjiticcia
Appesa à i niuli zulfiti
Di la brama primaticcia
Mi n’arricordu
Di u silenziu impatrunitu
Scioltu da la grillu in festa
È lu ciocciu intenneritu
Mi n’arricordu…
È più ci pensu è più surridu
Cascanu in fonte i basgi albeghji
Cum’è culombe da u nidu
Mi n’arricordu…
D’esse poc’avvezzu à parlà
Li to ochji pizzicanti
È di l’attrachju più in là
Mi n’arricordu…
È mi s’arremba a dulcezza
In collu meu par ballà
Senza pur’ mancu una certezza
Mi n’arricordu
Hè u batticore à scalinà
È s’è pudia una siconda
Mi firmariu da brusgià
L’autori
Petru Canon hè natu in lu 1978 in Aiacciu. Prufissore di storia è geugraffia, è po furmatore in lingua corsa à u CFA di Corsica suttana. Hà scrittu puesie in lu ghjurnale "Taravu" è in la rivista "Avali", è po dinù fulette pà u "Ghjurnale di a Corsica".
In quantu à u cantu, hà scrittu è cumpostu par Voce Ventu, Michè Cacciaguerra, Notte, Dopu cena, A primavera, Liunelu Giacomini)...
