I Pinseri di Maddalena

 
Extrait

Ajaccio, mon village.

Cusì si chjamava un libru scrittu da Saveriu Versini publicati inne l'annati 70. Si oghji Aiacciu hè divintata una vera cità, corra sempri innè certi carrughji, stu spiritu aiaccinu di tandu. Hè Maddalena, a nostra artista, una di l'ultimi guardiani di sta manera di campà.

Ùn sò micca tutti sti passati chì vi contu innè stu libru, un'apologia di a nustalgia o di u rigrettu di u tempu passatu, nò, sò tistimunianzi di una cultura di vita. Innè u discorsu è innè a parsunalità di Maddalena ci sò tutti sti valori purtati da st'Aiaccini quilli chì m'ani alivatu, è quilli ch'aghju cunisciuti. Guasgi tutti riposani sotta u soli di u Canicciu ma si senti sempri i so voci è i so scacanati innè i purtò di u San Carulu o di u carrughju Dritu.

Innè I pinseri du Maddalena si tratta di a vita innè un palazzu di u San Carulu. Tutti i so pinseri, chì li fussini filosofichi, mecanichi, pulitichi o storichi, Maddalena ni faci rigalu à u so vicinu di u terzu pianu. Hè ellu chì hè un nostru naratori, u nostru testimoniu.