U sangue di a passione

Quatrième de couverture

À chi vole scopre i sicreti arcani di a cità di Bunifaziu, ch’ellu seguiti i passi di u nostru ispettore Cordilione persu à mezu à e prucessiò di una settimana… diabolica ! U sguardu di l’autore hè agutu è ironicu da mette à palesu i sintimi neri di una sucetà corsa, qui bunifazinca, à l’agunia, senza speranza di resurezzione…

Extrait

« L’infurmazione circulava dicendu chi u prugramma di e prucessione era statu mudificatu è chi tutte e cunfraterne si duvianu accoglie in Santa Maria. San Dumenicu, San Ghjuvan Battistu è ancu u cunventu San Franzé eranu diventati scene d’omicidiu è più nimu ci pudia entre fintantu chi a pulizza scentifica ùn avia compiu e so ricerche.

Bonifaziu era in sussuru chì a nutizia di trè omicidii in trè lochi santi avia scandalizatu a populazione. Morti ci n’era digià statu à buzeffi in l’ultimi anni di a vita bunifazinca. A stazione turistica facia entre soldi in quantità è quandu ci sò l’interessi maiò tandu sparisce a sulidarità tradiziunale è s’affacca u vituperiu. S’eranu scannati trà patroni di i battelli di e grotte, trà caffitteri, trà usteriaghji, trà naziunalisti, trà capi d’impresa di custruzzione in cuncurrenza, trà piscadori di mistieru è piscadori di a dumenica. »