L’ùltima pagina

 Quatrième de couverture

A storia principia cum’è quella di tanti Corsi chì tornanu à gode si una ritirata meritata, linda, calma è serena. Ma Anton Paulu si trova subitu davanti à una situazione suciale è culturale propiu diferente di ciò ch’ellu avia pensatu. U so modu di cunsiderà a so terra nativa, a ghjente è u cumunu tandu hà da esse propiu diversu. Pianu pianu hà da esse purtatu à fà gesti è piglià attitudine chì vanu ancu contru à e so idee. Hè vera ch’ellu ùn hè sfaticata a vita in una sucetà chì i so prublemi, a ghjente hè chjamata à scunfinì li à modu persunale ma ancu tenendu contu di a sulidarità culturale chì face pressione, sempre sempre, nantu à i modi di fà è di pensà.
Stu libru hè testimunianza di unu primurosu assai di u so paese, a Corsica, cù u so garbu è i so guai. L’attualità suciale è pulitica ci busca u so postu ghjustu à mezu à quelle scene di a Bastia di sempre: e pisciaie, i bagni in Puntata, l’isule in faccia è tanti altri ritratti chì u lettore ritrova in sè, visione di a cultura nustrale o chì rimandanu à a literatura, di u Mediterraniu o di altrò.

Stu libru face parte di u prugettu edituriale Medi Terra, messu in opera da l’editori Albiana-Centru culturale universitariu (Corsica), Condaghes di Cagliari (Sardegna) è Editorial Fonol di Juneda (Catalogna). Medi Terra vole fà cunnosce e literature catalana, corsa è sarda publichendu à tempu opere in e trè lingue (catalanu, corsu, sardu).